ஓட்ஸ் கேசரி

Posted On March 18,2012,By Muthukumar

தேவையானப்பொருட்கள்:

ஓட்ஸ் - 1 கப்
சர்க்கரை - 3/4 கப்
பால் - 1 கப்
நெய் - 2 முதல் 3 டேபிள்ஸ்பூன் வரை
கேசரி கலர் - சிறிது
ஏலக்காய் தூள் - 2 சிட்டிகை
முந்திரிப்பருப்பு - சிறிது
காய்ந்த திராட்சை - சிறிது

செய்முறை:

ஒரு வாணலியில் ஒரு டேபிள்ஸ்பூன் நெய் விட்டு, அதில் ஓட்ஸைப் போட்டு 2 முதல் 3 நிமிடங்கள் வரை வறுக்கவும். பின்னர் அதில் பாலை ஊற்றிக் கிளறி விடவும். மிதமான தீயில் கெட்டியாகும் வரை வேக விடவும். பின்னர் அதில் சர்க்கரை மற்றும் கேசரிக் கலரைச் சேர்த்துக் கிளறவும். 1 அல்லது 2 டீஸ்பூன் நெய்யை விட்டு, 2 முதல் 3 நிமிடங்கள் வரை விடாமல் கிளறவும்.

முந்திரிப்பருப்பையும், திராட்சையையும் சிறிது நெய்யில் வறுத்து கேசரியில் சேர்க்கவும். ஏலக்காய் தூளையும் அதில் தூவி, நன்றாகக் கிளறவும். கேசரி பாத்திரத்தில் ஒட்டாமல் உருண்டு வரும் பொழுது, அடுப்பிலிருந்து இறக்கி, வேறொரு பாத்திரத்தில் மாற்றி வைக்கவும்.