வெண்டைக்காய் சாம்பார்

Posted By Muthukumar,On Feb 9,2015

தேவையான பொருட்கள்:
வெண்டைக்காய்- தேவையான அளவு; கடுகு-1 ஸ்புன்; உளுத்தம் பருப்பு, கடலைப் பருப்பு- தலா 1 ஸ்பூன்; வெந்தயம் , பெருங்காயத்தூள், மஞ்சள் தூள்- தலா 1/2 ஸ்பூன்; பச்சை மிளகாய்-1; காய்ந்த மிளகாய்-1 கறிவேப்பிலை, கொத்தமல்லி-சிறிதளவு; நெய்-1/2 ஸ்பூன்; சாம்பார்த்தூள்-2 ஸ்பூன், துவரம் பருப்பு-1/4 கப்; புளி- சிறிய எலுமிச்சை அளவு; உப்பு- தேவையான அளவு; எண்ணெய்- 1 டேபிள் ஸ்பூன்
செய்முறை;
துவரம் பருப்பில் மஞ்சள் தூள் சிறிது சேர்த்து, குக்கரில் குழைய வேக விடவும். வெந்ததும் எடுத்து மசித்து வைக்கவும். புளியைத் தண்ணீரில் வேக வைத்து , வடிகட்டி, கரைத்து எடுக்கவும். கடாயில் எண்ணெய் விட்டு, கடுகு தாளிக்கவும். அத்துடன் உளுத்தம்பருப்பு, கடலை பருப்பு, பச்சை மிளகாய், காய்ந்த மிளகாய், பெருங்காயம், வெந்தயம் சேர்த்து வதக்கவும். வதங்கியதும், கறிவேப்பிலை ,வெண்டைக்காய் சேர்த்து வதக்கவும்.மீதமிருக்கும் மஞ்சள் தூள் சேர்த்து வதக்கவும். பிறகு புளித் தண்ணீரை சேர்க்கவும். அத்துடன் தேவையான அளவு உப்பு சேர்த்து பச்சை வாசனை போகும்வரை கொதிக்க விடவும். கொதித்ததும், சாம்பார்தூள் சேர்க்கவும். நன்கு கொதித்ததும் , பருப்பைச் சேர்கக்வும். நன்கு கிளறி இரண்டு கொதி வந்தவுடன் 1/2 ஸ்பூன் நெய் சேர்த்து , கொத்தமல்லி சேர்த்து இறக்கவும்.