செட்டிநாடு வஜ்ஜிரமீன் குழம்பு

Posted By Muthukumar,on December 2,2014

தேவையான பொருட்கள்:
வஜ்ஜிர மீன்-1கிலோ; சினன் வெங்காயம் -100 கிராம்; பூண்டு-25 பல்; கறிவேப்பிலை- 2 கொத்து; சோம்பு-1 டீ ஸ்பூன்; சீரகம் -1/2 டீ ஸ்பூன்; வெந்தயம்-1 டீ ஸ்பூன்; தக்காளி-3; புளி-கைப்பிடியளவு; மஞ்சள் பொடி-1 ஸ்பூன்; எண்ணெய்-5 டேபிள் ஸ்பூன்; வர மிளகாய்-10; சாம்பார் பொடி-3 டேபிள் ஸ்பூன்; உப்பு-தேவையான அளவு;
செய்யும் முறை:
முதலில் மீனை சுத்தம் செய்து, சிறிய துண்டுகளாக்கி உப்பு போட்டு பிசறி நன்கு கழுவி வைக்கவேண்டும். வர மிளகாய், சோம்பு, பூண்டு மூன்றையும் 10 நிமிடம் தண்ணீரில் ஊற வைத்து, கால் டம்ளர் தண்ணீர் ஊற்றி, 2 டேபிள் ஸ்பூன் உப்பு சேர்த்து,நைஸாக விழுதாக அரைத்துவைக்கவேண்டும். வெங்காயத்தில் இரண்டை எடுத்து வைத்துவிட்டு, மற்றதை தோலுரித்து இரண்டாகவும் தக்காளியை நான்காகவும் நறுக்கவும்.புளியை 3 டம்ளர் தண்ணீரில் கரைத்துவைக்கவேண்டும். அடுப்பில் வாணலியை வைத்து சோம்பு, சீரகம் மற்றும் வெந்தயம் போட்டு வாசனை வந்ததும், வெங்காயம் கறிவேப்பிலை போட்டு 3 ந்மிடம் வதக்கவேண்டும். பின் தக்காளி, 1 டேபிள் ஸ்பூன் உப்பு, சாம்பார் பொடி , மஞ்சள் பொடி மற்றும் அரைத்த விழுது ஆகியவற்றை சேர்த்து 3 நிமிடம் வதக்கவேண்டும். இப்போது புளிக் கரைசலை ஊற்றி சிறிது கெட்டியாகும்வரை கொதிக்கவைக்கவேண்டும்.
பின் மீன் துண்டங்களைப் போட்டு 5 நிமிடம் கொதிக்கவைக்கவேண்டும். இறக்கியபின், சீரகத்தை நன்றாகத் தட்டி பிறகு இரண்டு வெங்காயத்தையும் வைத்து லேசாகத் தட்டி குழம்பில் போட்டு மூடி 10 நிமிடம் கழித்து திறந்து லேசாக கிண்டிவிட வேண்டும்.
சுவையான வஜ்ஜிர மீன் குழம்பு ரெடி.

ரவா இட்லி

Posted By Muthukumar,On November 14,2014

தேவையான பொருட்கள்:
ரவா-1 கப்; கெட்டித் தயிர்- 1 கப்; கடலை பருப்பு- 2 டேபிள் ஸ்பூன்; உளுத்தம் பருப்பு- 1 டேபிள் ஸ்பூன்; முந்திரி பருப்பு- 10; ஜீரகம்- 2 டீ ஸ்பூன்; கடுகு-1 டீ ஸ்பூன் ; மிளகுத்தூள்- 2 டேபிள் ஸ்பூன்; பொடியாக நருக்கிய பச்சை மிளகாய்-2; கறிவேப்பிலை- சிறிதளவு; நெய்- 2 டேபிள் ஸ்பூன்; உப்பு -1 டீ ஸ்பூன்.
செய்முறை:
ஒரு கடாயை அடுப்பிலேற்றி, அதில் நெய்யை ஊற்றி சூடாக்கவும் . அதில் கடுகைப் போட்டு பொறிந்ததும், அதில் ஜீரகம், கடலை பருப்பு மற்றும் உளுத்தம் பருப்பு, முந்திரி பருப்பு தாளிக்கவும். அதன் பின்னர், பச்சை மிளகாய், மிளகுத்தூள், கறிவேப்பிலை சேர்த்து ஒரு நிமிடம் வதக்கவும். இப்போது ரவையைப் போட்டு, வாசனை வரும்வரை வறுக்கவும். அடுப்பை அணைத்துவ்ட்டு, தயிரையும் உப்பையும் சேர்த்துக் கலக்கவும். இட்லி மாவு பதத்துக்கு வரும் வகையில் தண்ணீர் ஊற்றிக் கலக்கவும். இதை 3 நிமிடம் வைத்திருந்து, பிறகு அந்த மாவை இட்லித் தட்டில் ஊற்றி 10 நிமிடம் ஆவியில் வேக விடவும். விசில் வரட்டும் என்று காத்திருக்க வேண்டாம். இட்லிகளை எடுத்து சட்னியுடன் பறிமாறவும்.

பட்டாணி மசாலா

:

Posted By Muthukumar ,On November 11,2014

தேவையான பொருட்கள்:
சின்ன உருளைக் கிழங்கு-15; பச்சை பட்டாணி-1 கப்; வெங்காயம்-2; வெண்ணெய்-1 டேபிள் ஸ்பூன்; இஞ்சிபூண்டு விழுது- 1 ஸ்பூன்; மிளகாய்த்தூள்- 1 ஸ்பூன்; தனியாத்தூள்-1 டீ ஸ்பூன்.
அரைக்க:
பாதாம் பருப்பு-5; முந்திரி பருப்பு-5; பொட்டுக்கடலை1 டேபிள் ஸ்பூன்; கசகசா-1 டீ ஸ்பூன்; பட்டை- 1 துண்டு.
எப்படி செய்வது?:
சின்ன உருளைக் கிழங்கை வேக வைத்து தோலுரித்துக்கொள்ளவும். வெங்காயத்தைப் பொடியாக நறுக்கிக்கொள்ளவும். பாதாம் பருப்பு, முந்திரி பருப்பு, கசகசா மூன்றையும் அரை மணி நேரம் ஊற வைக்கவும். பட்டையையும், பொட்டுக்கடலையையும் வறுத்து ஊறவைத்த பருப்புகள் கசகசா எல்லாவற்றையும் சேர்த்து விழுது போல அரைத்துக்கொள்ளவும். வாணலியை அடுப்பிலேற்றி வெண்ணெய் சேர்த்து உருகியதும், வெங்காயத்தைப் பொந்நிறமாக வறுக்கவும். பின்னர் பட்டாணி உருளைக் கிழங்கை சேர்த்து வதக்கவும். அரைத்த விழுதை உப்புடன் சேர்த்து சிறிது தண்ணீர் விட்டு கொதிக்கவிடவும். பூண்டு விழுது, மிளகாய்த்தூள் தனியாத்தூள்சேர்க்கவும். எல்லாம் சேர்ந்து நன்கு கொதித்தவுடன் இறக்கவும்.

ஓட்ஸ் வடை

ஓட்ஸ் வடை

Posted By Muthukumar,On November 11,2014

தேவையான பொருட்கள்:

ஓட்ஸ்- 2 டம்ளர்; ரவை-1 டம்ளர்; தயிர்-100 மில்லி; பச்சை மிளகாய்-5; துருவிய தேங்காய்-4 தேக்கரண்டி; பெருங்காயத்தூள், கொத்தமல்லித்தழை, எண்ணெய், உப்பு.

செய்முறை:

ரவையைப் பக்குவமாக வறுத்துக்கொள்ளவும். தேங்காய்த்துருவலுடன் விதை நீக்கிய மிளகாயைச் சேர்த்து அரைத்து தயிரில் கொட்டவும். இத்துடன் ரவை, நறுக்கிய கொத்தமல்லித்தழை, ஓட்ஸ்சேர்த்து நன்கு கிளறவும். கலவை கெட்டியாக இல்லாவிட்டால், ஓட்ஸ் மற்றும் ரவை சேர்க்கலாம். இதை வடையாகத் தட்டி எண்ணெயில் பொந்நிறமாகப் பொறித்தெடுக்கவும். வித்தியாச சுவை கொண்ட ஓட்ஸ் வடை தயார்.

சோலாப்பூரி

Posted on October 01,2014 by Muthukumar

தேவையான பொருட்கள்

    மைதா – 2 கப்
    ரவை – 1/2 கப்
    தண்ணீர் – 1 1/2கப்
    உப்பு – 1/2 தேக்கரண்டி
    சோடா உப்பு – ஒரு சிட்டிகை
    எண்ணெய் – 2 கப்

 செய்முறை

மைதா, ரவை இரண்டையும் ஒன்றாக சேர்த்து பாத்திரத்தில் எடுத்துக் கொள்ளவும். தண்ணீரில் உப்பு, சோடா உப்பு இரண்டையும் கலந்து மாவில் ஊற்றி நன்கு பிசையவும். ஓரளவிற்கு பதமாக பிசைந்தவுடன் சூடான எண்ணெய் ஊற்றி மீண்டும் நன்கு பிசைந்து கொள்ளவும்.

45 நிமிடங்கள் ஊற விடவும்.

பிசைந்த மாவினை சிறுசிறு உருண் டைகளாக உருட்டிக் கொள்ளவு ம்.

பிறகு அவற்றை சப்பாத்தி வடிவில் தேய்த்துக் கொள்ளவும்.

சிறு தடிமனாகவும் தேய்க்கவும். அப் பொழுதுதான் பூரி உப்பி வரும்.

வாணலியில் எண்ணெய் ஊற்றி காய்ந்ததும் ஒவ்வொன்றாக அதில் போட்டு வேக வைத்து எடுக்கவும்.

இருபுறமும் திருப்பிப் போட்டு சற்று பொன்னிறம் வந்தவுடன் எடுத்து எண்ணெய் வடியவிட வேண்டும்.

குறிப்பு: குருமா பகுதியில் கொண்டைக்கடலை சப்ஜி இதற்கு ஏற்றது.

செட்டிநாட்டு கோழிக்குழம்பு

Posted on October 01,2014 by Muthukumar

தேவையானவை :

கோழி – அரை கிலோ
மஞ்சள்பொடி – 1/2 ஸ்பூன்
மிளகாய் பொடி – 3ஸ்பூன்
தனியா பொடி – 4ஸ்பூன்
வெங்காயம் – 1
தக்காளி – 2

மிளகு – 1ஸ்பூன்
சீரகம் – 1ஸ்பூன்
வெங்காயம் – 1
உப்பு – 11/2 ஸ்பூன்
சோம்பு – 1ஸ்பூன்
பூண்டு – 6 பல்
இஞ்சி – ஒரு துண்டு
நல்லெண்ணெய் – 4ஸ்பூன்
சோம்பு – 1/2ஸ்பூன்
வெந்தயம் – 1/2ஸ்பூன்
பட்டை – 2
கிராம்பு – 1
அன்னாசிப்பூ – 2

செய்முறை :

1.ஒரு வாணலியில் மிளகு, சீரகம், சோம்பு ஆகிய மூன்றையும் வறு த்து பூண்டு, இஞ்சி, வெங்காயாம் சேர்த்து அரைத்து மஞ்சள் பொடி சேர்த்து கோழியுடன் பிசறவும்.

2.அதே வாணலியில் நல்லெண்ணெய் விட்டு தாளிக்க வேண்டியவ ற்றை தாளித்து பொடியாக நறுக்கிய வெங்காயம், தக்காளி சேர்த்து வதக்கி, பிசறிய கோழியை சேர்த்து பத்து நிமிடம் கிளறவும்.

3.மசாலா நன்கு வதங்கியதும் மிளகாய்ப்பொடி, தனியா பொடி சேர் த்து கிளறி தேவையான தண்ணீர்விட்டு உப்புசேர்த்து கொதிக்க விடவும். குழம்பு கொதித்து வற்றி எண்ணெய் மிதந்தவுடன் இறக்கவும்.

அட்டுக்குலு தோசை

Posted on October 01,2014 by Muthukumar

தேவையான பொருட்க‌ள் 

அவல் – 1 கப்
தயிர் – 1 கப்
பச்சரிசி – 1 கப்
புழுங்கல் அரிசி – 1 கப்
உளுந்து – கால் கப்
வெந்தயம் – சிறிதளவு
உப்பு – தேவையான அளவு
எண்ணெய் – தேவையான அளவு.

செய்முறை

பச்சரிசி, புழுங்கல் அரிசியை தனித்தனியாக ஊறவையுங்கள். உளுந்தில் வெந்தயத்தைச் சேர்த்து தனியாக ஊற வையுங்கள். அவலை தயிரி ல் ஊற வையுங்கள். அனைத்தும் 3 மணி நேரமாவது ஊறவேண்டும். பின்னர் அனைத்தையும் தனித்தனியாக அரைத்து தேவையானளவு உப்புச்சேர்த்து முதல் நாள் இரவே கரைத்து புளிக்க வையுங்கள். மறுநாள் காலை தோசைக் கல் லில் லேசான எண்ணெய் விரவி மிருதுவாக மாவை ஊற்றி தோசை வார்த்து இரு புறமும் வெந்தபிறகு எடுங்கள். பஞ்சு பஞ்சான ஆந்திர ‘அட்டுக்குலு தோசை’ ரெடி.